2011 წლის ევროვიზიის სიმღერის კონკურსზე საქართველოს სახელით გამომსვლელ ჯგუფში "Eldrine" ცვლილება განხორციელდა. ჯგუფის სოლისტი თაკო ვადაჭკორია სოფო ტოროშელიძემ შეცვალა. ცვლილების შემდეგ, სხვადასხვა ფორუმებსა თუ სოციალურ ქსელებში გაჩნდა კომენტარები, რამ თითქოს სოლისტი თაკო ვადაჭკორია აიძულეს ჯგუფი დაეტოვებინა.
საზოგადოებრივი მაუწყებლის ევროვიზიის საპროდიუსერო ჯგუფი კატეგორიულად უარყოფს მსგავს ბრალდებას და აცხადებს, რომ სოლისტის შეცვლის გადაწყვეტილება ჯგუფის საპროდიუსერო კომპანიამ მას შემდეგ მიიღო, რაც თამარ ვადაჭკორიამ საპროდიუსერო კომპანიასთან კონტრაქტის გაფორმებაზე უარი განაცხადა. ვოკალისტის გარეშე დარჩენილი ჯგიფის "Eldrine" პროდიუსერები იძულებულები გახდნენ სხვა კანდიდატურები განეხილათ, საბოლოოდ კი არჩევანი სოფო ტოროშელიძეზე შეაჩერეს.
ჯგუფი „Eldrine” – 10 მაისს ევროფესტივალის პირველ ნახევარფინალურ საღამოზე მიიღებს მონაწილეობას.
რიგით 56-ე ევროფესტივალს გერმანია მასპინძლობს. ევროვიზიის სიმღერის კონკურსის ნახევარფინალები - 10 და 12, ხოლო ფინალი - 14 მაისს ქალაქ დიუსელდორფში შედგება.
No comments:
Post a Comment